"ದೀಪಾವಳಿ" ಅನ್ನೋದು ಸಂಸ್ಕೃತ ಮೂಲದ ಶಬ್ದ. ದೀಪಾವಳಿ ಅನ್ನೋ ಶಬ್ದವು.. ದಿನಗಳು, ತಿಂಗಳುಗಳು, ವರ್ಷಗಳು ಕಳೆದ ಹಾಗೆ "ದಿವಾಳಿ" ಆಗಿ ಬದಲಾಯಿತು . ಎಂತಹ ಸಾಮಾನ್ಯ ಜ್ಞ್ಯಾನ ಇರುವವರಿಗೂ ಪದಗಳ ಅರ್ಥವಾಗುತ್ತೆ. ಹಾಗೇನೆ ದೀಪಾವಳಿ ಅಂದ್ರೆ ಬೆಳಕಿನ ಹಬ್ಬ ಮತ್ತು ದಿವಾಳಿ ಅಂದ್ರೆ ಎಲ್ಲವನ್ನು ಕಳೆದುಕೊಂಡವ ( ಉದಾ : ಮಾತನಾಡುವಾಗ ಸಹಜವಾಗಿ ಹೆಳೋದು ಅವನು ಪೂರ್ತಿ ದಿವಾಳಿ ಆಗಿದ್ದಾನೆ ಅಂತ ). ಅದಕ್ಕಾಗಿ "ದೀಪಾವಳಿ" ಹಬ್ಬವನ್ನು"ದಿವಾಳಿ" ಅನ್ನದೆ ದೀಪಾವಳಿ ಅಂತಾನೆ ಉಚ್ಚರಿಸೋಣ.
ತುಂಬಾ ಜನ ದೀಪಾವಳಿ ಇರೋದೇ ದಿವಾಳಿ ಎಬ್ಬಿಸೋಕೆ ಅಂತಾರೆ. ಯಾಕೆ ಅಂದ್ರೆ ಹಬ್ಬಕ್ಕೆ ನಾವು ಅಷ್ಟೊಂದು ಖರ್ಚು-ವೆಚ್ಚ ಮಾಡ್ತಿದ್ದೇವೆ. ಹಬ್ಬದಿಂದ ಸಂತೋಷ, ನೆಮ್ಮದಿ ಸಿಗದೇ..... ಸಾಲ-ಸೊಲ ಜೊತೇಲಿ ಸಿಟ್ಟು ಮತ್ತು ಬೇಜಾರುಗಳು ನಮ್ಮದಾಗುತ್ತಿವೆ.
ಹಿಂದಿನ ಕಾಲದಲ್ಲಿ ನಮ್ಮ ಹಿರಿಯರುಗಳು ವರ್ಷದಲ್ಲಿ ಬರೊ ದೊಡ್ಡ ಹಬ್ಬಗಳಿಗೆ ಮಾತ್ರ ಮನೆ ಮಂದಿಗೆಲ್ಲ ಬಟ್ಟೆ, ಇತ್ಯಾದಿ ಖರೀದಿ ಮಾಡ್ತಾ ಇದ್ರೂ . ಆದ್ರೆ ಇಂದು ನಮಗೆ ಖರೀದಿಗೆ ಹಬ್ಬಗಳೆ ಬೇಕಂತಿಲ್ಲ, Mall ಸಂಸ್ಕೃತಿ ಬಂದಾಗಿನಿಂದಲೂ ವಾರದ ಕೊನೆಯಲ್ಲಿ ಹಬ್ಬಕ್ಕಿಂತ ಜಾಸ್ತಿ ಖರ್ಚು ಮಾಡ್ತಿದ್ದೇವೆ. ಜೊತೆಗೆ ಹಬ್ಬಗಳು ಬಂದಾಗ ಡಿಸ್ಕೌಂಟ್ ಸೇಲ್ ಅದು-ಇದು ಅಂತ ಮತ್ತಷ್ಟು ಜಾಸ್ತಿ ಖರ್ಚು ಮಾಡ್ತಿದ್ದೇವೆ... ಹೀಗಾದಾಗ ಸಹಜವಾಗಿ ದುಡಿಯುವ ಕೈಗಳಿಗೆ ದುಡಿದೆ ಮನೆಲ್ಲಿ ಕೂತು ಖರ್ಚು ಮಾಡೊ ಕೈಗಳಿದ್ದಾಗ ದೀಪಾವಳಿ-ದಿವಾಳಿ ಅನ್ನಿಸದೆ ಮತ್ತೇನು ತಾನೆ ಅನಿಸುತ್ತೆ. ಅದಕ್ಕಾಗಿ ಹಬ್ಬ ಹರಿದಿನಗಳು ನಮ್ಮ ಹುಚ್ಚಾಪಟ್ಟೆ ಖರ್ಚಿನಿಂದ ಮಹತ್ವ ಕಳೆದುಕೊಳ್ಳದೆ ಇರಲಿ..
ದುಡಿಯುವ ಕೈಗಳ ಜೊತೆ ಸರಿಯಾಗಿ ಯೋಚನೆ ಮತ್ತು ಯೋಜನೆ ಮಾಡುವ ತಲೆಯು ನಮ್ಮದಾಗಿರಬೇಕು, ಹಾಗಾದಾಗ ಮಾತ್ರ ಹಬ್ಬ ಮನಸ್ಸಿಗೆ ಸಂತೋಷ ಮತ್ತು ನೆಮ್ಮದಿ ತರಬಲ್ಲದು.
ನಮ್ಮ ಮನೆ ಮತ್ತು ಮನಸ್ಸು ಸದಾ ಬೆಳಕಿನಿಂದ ಬೆಳಗಲಿ..
No comments:
Post a Comment